تعارف

هااااااااي للكل...كيفكم؟؟
اول شي الفكرة كتير حلوة يارا
تاني شي شكرا كتير على الاستفقادة يا هدووووول
الحقيقة كنت مبارح كتير مشغولة بالتحضير لحفل تخريجي اللي حيكون اليوم على 6.30 انشالله بالجامعة الاردنية عقبال عند الكل انشالله.....واكيد كلكم معزومين
انا دارسة تحاليل طبية

اهدافي....كتار واهمهم:-
1)افتح مركز للابحاث والعلوم المخبرية
2)اكون دارسة و باحثة في مجال (علوم الطاقة و التخاطر) وال NLP وهيك رح يسير لحمزة منافس كبيير جهز حالك من هلا afro:

3)اكون مصممة مجوهرات معروفة....ومن هلا بحكي للبنات انا بعرفكم بالمنتدى وبس اما تيجي وحدة بعد كم سنة تقولي عجبتني هادي الاسوارة والا الحلق والا اي شي تاني انا ما دخلني وما بحب الوسايط اكيد بمزح طبعا

:

والله انكم بضحكو ،،، شكلكم امبارح كنتو سهرانين على النت و ما عزمتوني على السهرة
انشاءالله كلكم يتحققو اللي بدكم اياه و أكتر ومبروك لعبير على التخرج و انشاءالله منو لأعلى و عقبالي مع انو مطولة
و انا طبعا موافقة اساعد الكل و ندعم بعضنا و اللي بكسل بنصحيه و نزكره

موفقين كلكم

عبير مبروك التخرج
و ان شلء الله بتحققي كل اهدافك
عفكرة عم بجيبوا حفلات التخريج تبع الاردنية على محطة اسمها 7stars
بس ما بتكون مباشر .

بدي اسأل الصورة تبعت المنتدى الي أول ما نفتح عليه بتطلع
ايش يعني؟ يعني الها دلالة معينة او لأ؟؟؟

بتعرفي هديل نفس السؤال اللي كنت بدي أسئله أول ما فتحت المنتدى
بس أولت هادا شعار حمزة الخاص يمكن ما بعرف!!!

اول شي ما بدي ابارك لعبير هون
لأني باركتلها اول واحد فيكم من زمااان

اما بالنسبة لسؤال هديل و يارا
بالنسبة للشعار هو فعلاً شعاري حتى هو نفسو اللي حاطو على الكرت الشخصي لو شفتوه
الشعار بسيط كتييير حتى بمعناه
و هادا للي كان بدي اياه
ما بدي شعار معقد
معناه ببساطة
الدائرة البرتقالية هي دائرة الحياة اللي احنا فيها
اما الأشياء البيض فهي تدل على الأشخاص الموجودين بالحياه سواء الناس العاديين او اللي انا بدربهم
هادا هو باختصار و ببساطة معناه

عنجد شو حلو معناه ... بهنيك عنجد على المعنى الحلو و عنجد هو كتير حلو و بسيط

حلو

ان شاء الله يكون معنى الشعار حلو و بسيط و مفهوم
و اهم شي يكون عاجبكم

صحييح
نسيت ارد على عبير بالنسبة انو هيصير في منافسة بيني و بينك
طب ليش ما يصيرفي تعاون بيني و بينك؟؟؟؟
ليش دايماً بندور على نقطة الخلاف
و زي ما اتفقنا خلص بتشتغلي بالمركز اللي ان شاء الله هنفتحو
اللي حكتلك عنو ان شاء الله

هلا المنافسة صارت نقطة خلاف ياحمزة بلعكس تماما....و إزا على التعاون فهو حاصل حاصل انشالله .....وطبعا اكيد ما بنستغني ولو
شكرا لكل اللي باركولي وعقبالكم...

طب ازا هيك بتشغلوني معكم و الله بنفع
يعني ازا بتسلموني ادارة المركز بكون موافقة

عندي اقتراح يا يارا
شو رأيك نعطيكي الفلوس تبعت المركز و نخلص؟؟؟
خلص ماشي بشغلك معنا بس ما بعرف شو ممكن تشتغلي
حسب كفاءتك

ههههههههه .. الله يسامحك أنا قصدي أساعد

ولو يا يارا
بتشتغلي اي شي بدك اياه

خلص انتا التها اللي بدي اياه .... بفكر و بردلكم خبر

ههههههه
ما سدئتي
اوكي
مستني ردك

مش عارفة اعرف نفسى ولا لأ الموضوع من زمان

بس هعرفكوا بنفسى
انا من مصر واسمى سمية وفى 3ثانوى ادبى

وعاوزين دعائكم معانا

بس انا عاوزة نتعرف ب ديانا

اهلاً بيكي يا
ALpharabius
بس ما عرفتيناش بإسمك ولا بأهدافك
صح؟
و ديانا عرفة على حالها بأول الموضوع الصفحة الأولى
بإمكانك تشوفي الصفحة الأولى

اه ديانا عرفت نفسها انا مخدتش بالى

حبقى اكشف نظرههههههه

بس الظاهر انك حتكشف نظر معايا ههههههههه

اانا كتبت اسمى فوق

يلا نعرف من جديد

الاسم : سمية كمال الدين
الاهداف : اممممم دول كتير بس اكتب كام واحد

1- اكون رائدة فى علوم التنمية البشرية شكلنا حنتخانق هههههه
2- مترجمة ل 6 لغات
3- كاتبة عالمية

اه صحيح
تعرفي ما انتبهت؟
يلا مش مشكلة
مرتين احسن من مرة
و اهدافك
حلوة
لكن الهدف الأول مش هتنخانق عليه
لأ
حكي فاضي
بالعكس والله يا سمية
هادا هدفنا انو يكون في جيلنا ناس كتير ناجحة و مهتمة في كل المجالات مش مجال واحد معين

سلام للكل والله زمان ما دخلت على المنتدى شكلو رايح علي اكتير اشياء ..
والله يا اختي بطلع منك زز حلو الموضوع اكتير ..
و هادا الموضوع بوقف الواحد و بخلية يفكر شو عمل و شو انجز ..

انا نور ابو جابر
سنة رابعة - انجليزي تطبيقي
الجامعة الاردنية

أهدافي:
1- انو انحرر حبيبة قلبي فلسطين
2-اني اكون قدوة حسنة للناس و مثال البنت المسلمة
3- اني اكمل دراسات عليا انشالله
4- اكون وزيرة يوم من الايام ( او اي وظيفة مشايهة نواب -اعيان ... ) هيهيههيه
5-و اكون عضو فعال بالمجتمع و أساعد المحتجين باي جانب بالحياة


مع انو الموضوع الو زمان بس حبات اشارك

سمية اهلن اهلن فيكي معانا بالمنتدى........و الله نورت

اخبارك ايه؟؟؟
انشالله يكون المنتدى عجبك؟؟؟؟؟وما تنسينا من مشاركاتك

اما بالنسبه لنور فلازم كلنا نزبط معها العلاقة يا جماعة بكرة بتصير وزيرة يعني مش مزحة

نور احنا متفقين انا وانتي انو من زماان صحاب صح