تدريب للعقل

بمناسبة الحكي عن العقل و طاقاته حبيت نجرب هالامتحان الصغير
بس بدو شوية صبر ..و هو حلو كتير هو لغز وبدنا نحله
بتمنى يعجبكم



1- توجد خمس منازل لكل منها لون مختلف

2- يسكن كل منزل شخص من جنسية مختلفه

3- كل ساكن يفضل ان يشرب مشروبا معين , ويدخن سجائر نوع معين منها,ويحتفظ بحيوان أليف معين



4- لاأحد من الجيران الخمسة يشرب نفس المشروب أو يدخن نفس النوع من السجائر أو لديه نفس الحيوان الأليف



معلومات الربط :

* يسكن البريطاني في المنزل الأحمر

* لدى السويدي كلب.

* يحب الدنماركي شرب الشاي .

* البيت الأخضر على الجانب الأيسر من البيت الأبيض.

* مالك البيت الاخضر يشرب القهوة.

* الشخص الذي يشرب سجائر نوع بال مال لديه طائر.

* الرجل الذي يسكن في البيت الأوسط يشرب الحليب.

* مالك المنزل الأصفر يدخن سجائر نوع دانهيل .

* يسكن النرويجي في المنزل الاول .

* يسكن مدخن سجائر نوع مارلبور مجاورا لمن لديه قطه.

* الرجل الذي لديه حصان يسكن مجاورا لمن يدخن سجائر نوع دانهيل .

* مدخن سجائر نوع وينفيلد يحب شرب الجعه شراب الشعير

* يسكن النرويجي مجاورا للبيت الأزرق .

* يدخن الألماني سجائر نوع روثمانز.

* مدخن سجائر نوع مارلبور لديه جار يحب شرب الماء.



المطلوب



تحدد اللون / الجنسيه / الحيوان / المشروب / نوع السجائر لكل واحد مع توضيح : من منهم لديه السمكة (أو أن حيوانه الأليف سمكة)؟

الحل الصحيح بعد ما كل حدا يعطي اجابته

على فكرة انا عارف الحل و خليتها قبل هيك
تحبي احكي الحل ولا احتفظ فيه؟؟؟؟؟

وانا كمان حليتها
لا ما تحكي الحل بعد شويتن بس نفكر
بس احلا شي انو يطلع حلك غلط

لأ ما تخافي ان شاء الله مو غلط
تحبي ابعتلك اياه مسج ببعت

ماشي يلا

هديل هو اللغز حلو بس كتييييير اديم يعني لما كنت بصف السابع حلاتو
بس عنجد حلو

عادي ببساطة ارجعي حلي مرة تانيه ...يمكن ما تعرفي
بقوللك المثل زمان اول تحول

بالزبط يا هديل
انا معاكي
ارجعي يا يارا حلي الإختبار مرة تانية
لأنو صراحة امبارح حاولت احل فيه مرة تانية مش زابطة مع اني حليتو قبل هيك
بس مع هيك رح احلو مرة تانية

ما أنا من الصبح عم بحلو بس انشاءالله بنحل
و الله ما انا عارفة كيف حلاتو زمان

هههههههه
عادي يارا انا نفس الشي بس انا اقل ما فيها عارف الآلية اللي بنحل فيها اللغز
و هحلو يعني هحلو
كيف و ليش ما بعرف المهم رح ينحل

هاهاهاهاها
ناناناااا
مش قلتلكم زمان اول تحول

انا عم بستنا عادي خدوا وقتكم

شوف هديل ما تصدقي حالك رح انحلو أنا و حمزة و حتشوفي

ماشي ولا يهمك
بس عفكرة انا اخد معي نص ساعة و كنت اول مره بشوفوه

و انا اول ما شفتو حليتو و ما اخد معي 40 دقيقة على بعضهم
بس لأنو بديت في امبارح بالليل و هلأ شوي مش مركز فبدي شوية راحة و هحلو و يارا كمان هتحلو
و على فكرة هو بسيط كتير بس بدو شوية ربط بين الأمور
و هحلو و لو بدك اليوم
و لو بدك هلأ بترك اللي بإيدي و بحلو
لأنو لما احط ببالي شغلة ما بتخلى عنها و بعملها

لا لا لا خدو راحتكم احنا عم نتسلا
بس عادي ازا بدكم اعترفوا بالهزيمة ما فيها شي

لما ننهزم وقتها بنعترف بالهزيمة
بس انا شخصياً ما بعرف شي اسمو مستحيل
و كلو ممكن

اكيد 100%
ما في شي مستحيل
حتى المستحيل مستحيل انو يكون مستحيل

بس انو ايش بالنسبة للحل

يا هديل اصبري علينا شوي و الله رح نحلو بس خلينا نفكر

تارارارا....عبير قادمة بقوة لحل اللغز
ورح احلو بكل سهولة وبساطة هيهيهي

بس لزا طلع غلط اكيد بتكون عين و صابتني من هلا خلينا نكون واضحين ok....
...

يلا يا عبير
ورجينا شطارتك
انا مستطل هلأ و عدتكم بكرة بحلو
اووووبس
صعبة بكرة
عنجد صعبة
لأنو بكرة تقريباً من الصبح هكون برة
عندي مؤتمر الصبح و المسا عندي الف مشواااار
يا حرام
اسمحولي بالخميس او الجمعة
اوكي؟

يا عيني على عبير
انا من زمانننننن بستناكي
عبير من هلأ حتى لو جوابك طلع غلط فبكون الغلط بالسؤال
انا بشجعك
بس وين ديانا الوضع مش حلو من غيرها ؟؟؟ دياناااااا وينك ؟

ليش هيك بتغاوزي معها؟؟؟

بالمناسبة
ديانا مسافرة بس بصراحة ما بعرف امتى هترجع
عشان هيك ما بتفوت

عشني بحب المغاوزه
بمزح بس برضو لساتني بشجعها
واكيد عبير الفايزه