تدريب جماعي

هلأ الفترة الأساسية بتكون 14 يوم
بس مش معنا هيك انو السلوك هيضل موجود بدو شوية شغل بعديها
على العموم انا هادا رأي و ما بعرف كيف وجهة نظركم

طيب تانيا وين ؟؟
بدها تلبسنا اسبوعين و تروح؟؟
تانيا وينك ما بدك تشاركي معنا

انا هون .. وانا بشوف انو الدماغ بدو فترة مشان يحدد انو هالفكرة الي عمنشتغل عليها بدها تصير عادة مش مجرد حالة طارئة .. والاستمرارية بعد الاسبوعين مطلوبة ..
منصير منكمل هالفكرة ومنبلش بفترة تانية

انا ما عندي مشكلة ..يمكن احسن زي ما قلتو انو يكون 14 يوم
عشان ما يروح شغلنا علفاضي

الانسان من ناحية نفسية بيتأثر بسرعة بالامور الطارئة متل انو الواحد بس يصير معو موقف صعب بعصب بسرعة بس بعد فترة بيهدا او موت شخص مقرب بتخلي الانسان محطم لكم يوم بعدين خلص بيتلاشى هالشي شوي شوي ... مشان هيك اذا بدنا نكسب الانسان صفة او خلق او تصرف جديد او نخلي يتخلى عن شي معين لازم يكون هالشي بالتدريج وببطئ .. ومن ناحية نفسية الانسان بيقدر يشكل العادة بعد 14 يوم من المواظبة عليها و بعد هيك بصير يخف الضغط عليه ومع الايام بتترسخ اكتر واكتر ... ونفس الشي اذا بدو يلغي اي شي . وبركز على المواظبة والاصرار والاستمرارية بالاول بشكل كبير بعدين بصير عندو شي عادي ..
وبالتوفيق النا كلنا ..
ناطرين الفكرة الاولى

هي فكرة أسبوعين حلوة
طب شو رأيكم أصعبها أكتر منسير نعمل التدريب الأول و بنضيف التاني على الأول يعني وئت التاني بنصير نعمل شغلتين مع بعض
شو رأيكم؟؟؟

و هكذا التاني على التالت و الأول يعني بالآخر بنسير نعمل كل شي مع بعض

هههه
هيك رح نسير شوي ما نقدر نعملهم
يعني لو نعمل شغلة واحدة انا بفول احسن
و بس نخلصها ننتقل للشغلة التانية افضل للكل
انا هيك رأيي

اوك زي ما بدك
انشاءالله تزبط معنا

مرحبا كيفكم يا الله شو أشتأتلكم
بس على فكرة انا مش فاهمة ولا اي اشي من كل الموضوع وحاسة حالي زي الاطرش بزفة مشان الله حد يفهمننننننننننننننننني

ههههههه
اهلاً اهلاً فيكي ديانا
والله كل المنتدى اشتائلك
الفكرة انو كل اسبوعين بدنا شخص معين يقترح شغلة كلنا نطبقها لمدة الأسبوعين هدول
و اول اقتراح كان من طرف يارا
ادخلي على موضوع اسمو
تدريب جماعي (1) و هتعرفي شو هو التدريب
و يا ريت تطبقي معنا

شكرا كتير حمزة
واكيد راح اطبق معكم لاني انا من اسرة المنتدى اما ازا نسيتوني وما بدكم اياني خلص بروح

انا ما هرد عليكي
خلي غيري يرد احسن

أهلا فيكي يا ديانا و الله اشتئنالك
انشاءالله يعجبك التدريب تبعي

شو يا ديانا شو هل كلام
الكل بسئل عنك دايما و احنا طبعا ما بنستغني عنك
و الكل بعرف انك كنت مسافرة صح يا جماعة

شو حمزة شكلك زعلت
انا عنجد اسفة لانوا ما كان قصدي انا جبتها بطريقة المزح
عنجد اسفة

هههههههههه
لا ما تخافي
هي يارا ردت عليكي
هيك بكفي

والله بعرف يا يارا بس انا كنت بمزح وانا بتأسف منكم كلكم
واكيد عجبني موضوعك يا يارا وراح اشارك فيه

اوك خلص مو مشكلة و لا حدا بزعل منك
و يالله مسامحة بما انك أصغر حدا بالعالة

له له يا ديانا انا اصلن كنت بدي ابطل افوت على المنتدى بغيابك

هديييييييييييييل
يلا عااااد

ههههههههههه
قوية يا حمزة

شو جد بحكي هي ديانا قليلة عنا
ولو

عنجد شكرا كتير لآهتمام الجميع
ياي يعني انا اخر العنقود
وكمان المدللة بما اني الصغيرة

حمزة ليش مقهور