تدريب جماعي( 4).....

مرحبا للجميع كيفكم انشالله الكل بخير.........


اليوم انشالله حنبدا فكرة جديدة لنطبقها بالاضافة للافكار اللي قبل اللي كانت رائعة واكتر..

فكرتي ببساطة تتعلق مباشرة ب(معايير التغيير بالحياة)......كيف؟؟؟؟؟؟


هلأ كل واحد فينا في بشخصيتو صفات بحبها كتير و كمان في صفات او عادات ما بحبها...وهون الفكرة انو كل واحد فينا يشوف اي صفة ما بحبها بحالو...يعني مثلا ممكن واحد يكون يحكي كتير او يصرف كتير او منعزل ومو اجتماعي او......الخ
وياخود هادي الصفة ويبدا بتغييرها بناءا على معايير شخصيتو...الشي حيكون صعب بالبداية بس اكيد بعد ما ننجزو وتتغير هادي الصفة حنكون حققنا لحالنا انجاز عظيم اهمو تغيير هادي الصفة او العادة مهما كانت بسيطة وزيادة ثقتنا ومحاولة تغيير شي تاني كمان...و بالمناسبة رمضان انشالله جاي كل عام وانتوا بخير وا كيد حيكون المساعد الاول لالنا بهاد الموضوع

وانتي يا رب بخير يا عبير ....

حبات الفكرة هلأ بدي استمخ على اشي بدي اغيروا و ابلش ... الفكرة حلوه ...

عبير جد الفكرة كتيير حلوة
اعتقد انو حكينا بالموضوع هادا انا و انتي قبل هيك
تتزكري؟
انا معاكي
و انا كمان هختار عادة و اغيرها (طبعاً عادة سلبية)
و يا ريت من كل واحد بيقدر يحكيلنا شو هي العادة هاي بكون كتيير منيح و حلو
عشان الكل يتعاون مع بعض

أول شيء كل عام و انتوا بخير للكل
وعنجد الفكرة كتير حلوة يا عبير
و انشاءالله يكون رمضان مساعد للفكرة..

اكيد حمزة بتزكر...وعلى فكرة كتير اشياء تغيرت فيني بعد الدورة.......
بالمناسبة مبارح رحت عالجامعة اخدت الشهادة..... وكتير عجبني شكلها بالاضافة لمحتواها طبعا

عبير ... عشان الشهادة رحنا اكتير عشان ناخدها بس لسا مش جاهزة .. نحنا طلبنها باللانجليزي ... انتي بالنجليزي ولا بالعربي ؟؟؟

لا و الله يا نور انا بالعربي
وفعلا اللي بالانجليزي مو جاهزين.....

مبروك عبير الشهادة.. والله شكلوا الورق بجيبوا من فرنسا عشان هيك لهلا مو جاهزين

هههههههه
انا لما كنت اخر مرة موجود فيها بالجامعة يا يارا
تتزكري؟
حكولي انو المطبعة لسه ما جابت ورق الشهادات
معلش معلش
استنو شوي و روحو عليهم اول الفصل الجحاي بتكون جهزت ان شاء الله
و احكولي شو بسير معكم

سلام جميعا...
عبير فكرة كتير حلوه و انا قررت شو بدي اعمل
وان شاء الله انها وغصبن عنها بعد ارادة الله بدي اغيرها
عنجد فكرة رهيبة

شووووو وينكم ؟؟؟
ما عجبكم التدريب

بالعكس والله يا عبير
التدريب كتيير حلو
و انا شخصياً عمالي بشتغل على الشي اللي بدي اغيرو
و ما تخافي شغال منيح عليه
بس وين الكل؟؟؟؟؟

مش عارفة وينهم!!!!!
وانا من ناحيتك متطمنه

وانتي بخير يا عبور
بالنسبة الي
انا اكتر العادات السيئة فيي
اني ببكي كتييييييييييييير
وبدعي على حالي
بس الحمد لله
هلا بطلت ادعي على حالي
بس ضايل موضوع البكى
ههههه
انشالله احاول اغيرو
شكرا عبيييييييييير

رمضان كريم للكل ... شو وين الكل ؟؟
بتختفوا مع رمضان
جد التدريب حلو يا عبير و ما تخافي شغالين عليه

على رأيك يا يارا
بختفوا برمضان
ليش؟؟؟
بصراحة التدريب حلو كتير
انا كمان اشتغلت على شغلة هيك و هيني بشتغل عليها
ما تغيرت كلها بس غيرت شوي منها
و شوي على شوي بسير شي منيح و بنتغير بعديها