قواعد السعادة السبع

(قواعد السعادة السبع)

1)لا تكره أحدا مهما أخطأ في حقك

2) لا تقلق أبدا

3)عش في بساطة مهما علا شأنك

4)توقع خيرا مهما كثر البلاء

5)أعطي كثيرا و لو حرمت

6)ابتسم ولو القلب يقطر دما

7)لا تقطع دعاءك لأخيك بظهر الغيب


hope all of u to be v.happy;)

عبير فعلاً كل ما اقرأ هدول السبع نقاط فعلاً بكون بطبقهم ما عدا رقم 2
مش انو انا كل حياتي قلقل بس لازم الواحد يقلق شوي على الأمور
يعني في اشياء لازم الواحد يقلق فيها
اوكي المفروض ما يقلق كتيير بس بتكون غصب عنو

حكي كتير حلو بس بتعرفوا وانا عم بقرأ خطر على بالي فكرة
انو بهاد المنتدى في كتير كلام حلو ونصائح وقرأنا كتير بس يا ترى كم طبقنا ؟
انا بالنسبة الي شوي ف شو رأيكم نعمل مشروع انو مثلا نخصص فترة معينة كلنا نطبق فيها خلق معين او معلومة علمية معينة وبنضل نغيرها كل فترة ..انو اقتراح شو رأيكم؟؟؟؟؟؟

تعرفي...
والله يا هديل فكرة عنجد حلوة
بس بشرط
يكون الكل قد الحكي هادا و كلنا نعملو مع بعض
انا موافق على هادي الفكرة
بس بدنا رأي الباقي
شو رأيكم؟؟؟

تمام ان شاء الله بنكون قدها
و كل مثلا اسبوع او اقل بنغيرالشي.. و كل مرة دور حدا يختار الشي
الي بدنا نعملوا حسب شو هو حابب يغير اما في حاله او حابب يضيف على حاله
بس ان شاء الله تعجب الباقين

او مش شرط يكون شغلة بدو يغيرها
اي شي منيح و مفيد يمكن موجود عندو بس ما بطبقها دايماً
بس الفكرة عنجد رائعة
ممكن كل اسبوع او شي زي هيك
بس بهمنا رأي الناس التانيين كمان

اول شي بحب ارد على حمزة صحيح انو الواحد ما بقدر ما يقلق لانو اكيد بدون قلق بتكون كل الامور سهلة و بصير الشخص لا مبالي ومستهتر احيانا وبالتالي ما بكون في انجاز متل المفروض ...
بس المقصود انو ما نحمل الامور اكتر من طاقتها و نقلق على ابسط الامور...ونخاف منها

اما بالنسبة لفكرة هديل فهي كتير رائعة انا كتير مجربتها مع صاحباتي وفعلا انها رائعة...وياريت نطبقها هون كمان.....انا اول المشجعين ل هالموضوع ويا ريت تبدي بفكرة يا هدوووول

بالضبط يا عبير
انتي حكتيها
انو ما نحمل الموضوع اكتر من همو
بس كمان ما نكون مستهترين

بالنسبة للفكرة فاحنا موافقين عليها بس كمان بدنا رأي الباقي

ياي مبسوطة عشان عجبتك
وان شاء الله تعجب الباقين

عفكرة انا مرات بتوصل معي انو من كتر اني ما بقلق بشي اني اسير لامبالية
بس اكيد مش دايما

طولي بالك
يعني ازا الشي مو مهم ماشي الحال...
اما ازا العكس فهاد لازم اول شي يتغير فيكي و الا لأ

هاهاهاهاها صح كلامك بنغيروا شو ورانا
بس جد جد مش دايما

أول شي الموضوع كتير حلو بس هيك الواحد مسالم كتير يعني مايقلق صعبة و ما أدايق من حد كمان صعبة و أكون مبسوطة و أنا منكدة يعني حلو الموضوع و ازا طبقت هدول بكون مسالمة و بكون شبه ملاك

و بالنسبة لفكرة هديل كتير حلوة و يلا افتحي موضوع بلاش انا افتحوا و أبلش فيه أظن ما حدا رح يعرض على الفكرة باعكس كتير حلوة

صديقيني يا يارا مو صعبة الا بالبداية بس لما تتعودي بسير شي كتير طبيعي و فعلا بخليكي سعيدة وراضية عن حالك على الاقل
انت جربي هالاشياء و رح تدعيلي بعد ما تدعي علي

هههههههههه شو أدعي عليكي طبعا رح أدعيلك بعد الجهاد اللي بدي أعملو

شو يا يارا
هادا صار جهاد؟؟؟
ازا هيك من اولها كيف لما بدنا عمل الحكي تبع هديل
بتسيري تتهربي ولا شو؟؟؟

هههههه
هو وئتها ببطل أدخل على المنتدى لأ بمزح بس بتطلبو مني طلبات خفيفة أخف منكم
ما بتخلوني أعمل أشياء تعجيزية

ههههههه
هادا شكلو الكل هيبطل يفوت المنتدى لو هيك
لا اكيد الطلبات مش هتكون تعجيزية
بس بردو مش هتكون سهلة
المهم انو فعلاً نطبقها
على العموم وقتها بفرجها ربنا

صراحة فكرة هدووول حلوه أصلاً شو ما طلع منك يا بنت حلو ... بس عنجد خلينا انطبق الفكرة إلا باللأخر يطلع معنا اشي و إنحسن ولو إشوي من حالنا

ما احسنك نوررررر كتيرعلي هيك مش لهدرجة
عكلن شكرا كتير
واكيد رح يطلع اشياء منا مش بس شي

يمكن لو بنطبق هدول الاشياء بنسير احسن
بس انا صراحة ما بعملهم كلهم
بس انشالله بدي اسير اعملهم كلهم

لازم يا منال تبدي فيهم...وبهالمنتدى هدفنا الاول التغيير بانفسنا للاحسن

القواعد سهلة والانسان اذا بيقدر يعملها دايما بيستفيد كتير